Canonical Ref: RV 14.81
Metrical Form: इन्द्रवज्रा
Sanskrit (Devanāgarī)
ता इङ्गुदीस्नेहकृतदप्रदीपमास्तीर्णमेध्याजिनतल्पमन्तः । तस्यै सपर्यानुपदं दिनान्दे निवासहेतोरुटजं वितेरुः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
ता इति॥ तास्तापस्यः। तस्यै सीतायै सपर्यानुपदं पूजानन्तरं दिनान्ते सायंकाले निवास एव हेतुस्तस्य निवासहेतोः, निवासार्थमित्यर्थः। `षष्टी हेतुप्रयोगे` (पा.2।3।26) इति षष्ठी। `इङ्गुदी तापसतरुः` इत्यमरः (अ.को.2|4|46)। इङ्गदीस्नेहेन कृतप्रदीपमन्तरास्तीर्णं मेध्यं शुद्धमजिनमेव तल्पं शय्या यस्मिंस्तमुटजं पर्णशालां वितेरुर्ददुः ॥
Canonical CTS URN Reference
Raghuvaṁśam, RV 14.81. Poorvam Open Research Engine (PORE) Corpus.