Canonical Ref: RV 14.68
Metrical Form: उपजातिः
Sanskrit (Devanāgarī)
तथेति तस्याः प्रतिगृह्य वाचं रामानुजे दृष्टिपथं व्यतीते । सा मुक्तकण्ठं व्यसनातिभराञ्चक्रन्द विग्नां कुररीव भूयः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
तथेति॥ तथएति तस्याः सीताया वाचं प्रतिगृह्याङ्गीकृत्य रामानुजे लक्ष्मणे दृष्टिपथं व्यतीतेऽतिक्रान्ते सति सा सीता व्यसनातिभाराद्दुःखातिरेकात्। मुक्तकण्ठं यथा स्यात्तथा। वाग्वृत्त्येत्यर्थथः। विग्ना भीता कुररीवोत्क्रोशीव। `उत्क्रोशकुररौ समौ` इत्यमरः (अ.को.2|5|25)। भूयो भूयिष्ठं चक्रन्द चुक्रोश ॥
Canonical CTS URN Reference
Raghuvaṁśam, RV 14.68. Poorvam Open Research Engine (PORE) Corpus.