Canonical Ref: RV 14.12
Metrical Form: उपजातिः
Sanskrit (Devanāgarī)
प्रासादकालागुरुधूमराजिस्तस्याः पुरो वायुवशेन भिन्ना । वनान्निवृत्तेन रघूत्तमेन मुक्ता स्वयं वेणिरिवाबभासे ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
प्रासादेति॥ वायुवशेन भिन्ना प्रासादे यः कालागुरुधूमस्तस्य राजीरेखा। वनान्निवृत्तेन रघूत्तमेन रामेण स्वयं मुक्ता तस्याः पुरः पुर्या वेणिरिव। आबभासे। पुरोऽपि पतिव्रतासमाधिरुक्तः। `न प्रोषिते तु संस्कुर्वान्न वेणीं च प्रमोचयेत्` इति हारीतः ॥
Canonical CTS URN Reference
Raghuvaṁśam, RV 14.12. Poorvam Open Research Engine (PORE) Corpus.