Canonical Ref: RV 13.62
Metrical Form: इन्द्रवज्रा
Sanskrit (Devanāgarī)
यां सैकतोत्सङ्गसुखोचितानां प्राज्यैः पयोभिः परिवर्धितानाम् । सामान्यधात्रीमिव मानसं मे संभावयत्युत्तरकोसलानाम् ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
यामिति॥ यां सरयूं मे मानसं कर्तृ सैकतं पुलिनं तदेवोत्सङ्गः तत्र यत्सुखँ तत्रोचितानां प्राज्यैः प्रभूतैः पयोभिरम्बुभिः क्षीरैश्च। `पयः क्षीरं पयोऽम्बु च` इत्यमरः। परिवर्धितानां पुषअटानामुत्तरकोसलानामुत्तरकोसलेश्वराणां सामान्यधात्रीं साधारणमातरमिव संभावयति। `धात्री जनन्यामलकीवसुमत्युपमातृषु`इति विश्वः ॥
Canonical CTS URN Reference
Raghuvaṁśam, RV 13.62. Poorvam Open Research Engine (PORE) Corpus.