Canonical Ref: RV 13.40
Metrical Form: उपजातिः
Sanskrit (Devanāgarī)
तस्यायमन्तर्हितसौधभाजः प्रसक्तसंगीतमृदङ्गघोषः । वियद्गतः पुष्पकचन्द्रशालाः क्षणं प्रतिश्रुन्मुखराः करोति ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
तस्येति॥ अन्दतर्हितसौधभाजो जलान्तर्गतप्रासादगतस्य तस्य शातकर्णेरयं प्रस्क्तः संततः संगीतमृदङ्गघोषो वियद्गतः सन् पुष्पकस्य चन्द्रशालाः शिरोगृहाणि। `चन्द्रशाला शिरोगृहम्` इति हलायुधः। क्षणं प्रतिश्रुद्भिः प्रतिध्वानैर्मुखरा ध्वनन्तीः करोति। `स्त्री प्रतिश्रुत्प्रतिध्वाने` इत्यमरः (अ.को.1|6|28) ॥
Canonical CTS URN Reference
Raghuvaṁśam, RV 13.40. Poorvam Open Research Engine (PORE) Corpus.