Canonical Ref: PT 2.125
Sanskrit (Devanāgarī)
स आह—भद्र, श्रूयतां । अत्र देशे महत्यानावृष्ट्या दुर्भिक्षं सञ्जातम् । दुर्भिक्षत्वाज्जनो बुभुक्षा-पीडितः कोऽपि बलि-मात्रमपि न प्रयच्छति । अपरं गृहे गृहे बुभुक्षित-जनैर्विहङ्गानां बन्धनाय पाशाः प्रगुणीकृताः सन्ति । अहमप्यायुः-शेषतया पाशेन बद्ध उद्धरितोऽस्मि । एतद्विरक्तेः कारणम् æ । तेनाहं विदेशं चलित इति बाष्प-मोक्षं करोमि ।
Canonical CTS URN Reference
Pañcatantram, PT 2.125. Poorvam Open Research Engine (PORE) Corpus.