Canonical Ref: PT 1.746
Sanskrit (Devanāgarī)
कस्मिंश्चिज्जलाशयेऽनागत-विधाता प्रत्युत्पन्न-मतिर्यद्-भविष्यश्चेति त्रयो मत्स्याः सन्ति । अथ कदाचित्तं जलाशयं दृष्ट्वा गच्छद्भिर्मत्स्य-जीविभिरुक्तम्-यदहो बहु-मत्स्योऽयं ह्रदः । कदाचिदपि नास्माभिरन्वेषितः । तदद्य तावदाहार-वृत्तिः सञ्जाता । सन्ध्या-समयश्च संवृत्तः । ततः प्रभातेऽत्रागन्तव्यमिति निश्चयः ।
Canonical CTS URN Reference
Pañcatantram, PT 1.746. Poorvam Open Research Engine (PORE) Corpus.