Canonical Ref: KD 265
Sanskrit (Devanāgarī)
एतदाकर्ण्य च, क्षणं विचिन्त्य, प्रत्यवादीत् — ‘ पत्रलेखे, यथा कथयसि, तथा जनोऽयं कारितः कुमारे पक्षपातं पञ्चेषुणा । यान्यस्यैतानि रूपाणि, समधिकानि वा, तानि मयि वर्तन्ते । हृदयादव्यतिरिक्तासि । इदानी भवतीमेव पृच्छामि । उपदिश त्वम्, यदत्र मे साम्प्रतम् । एवंविधानां वृत्तान्तानामनभिज्ञास्मि । अपि च, मे गुरुजनवक्तव्यतां नीताया नितरां लज्जिताया जीवितान्मरणमेव श्रेयः पश्यति हृदयम् ’ इति ॥
Canonical CTS URN Reference
Kādambarīsaṅgraha, KD 265. Poorvam Open Research Engine (PORE) Corpus.