Canonical Ref: KD 154
Sanskrit (Devanāgarī)
प्राप्तप्रसरा चोपसृत्य तं द्वितीयमस्य सहचरं मुनिबालकं प्रणामपूर्वकमपृच्छम् — ‘ भगवन्, किमभिधानः ? कस्य चायं तपोधनयुवा ? किंनाम्नस्तरोरियमनेनावतंसीकृता कुसुममञ्जरी ? जनयति हि मे मनसि महत्कौतुकमस्याः समुत्सर्पन्नसाधारणसौरभोऽयमनाघ्रातपूर्वो गन्धः ’ इति । स तु मामीषद्विहस्याब्रवीत् — “ बाले, किमनेन पृष्ठेन प्रयोजनम् । अथ कौतुकमावदयामि । श्रयताम् —
Canonical CTS URN Reference
Kādambarīsaṅgraha, KD 154. Poorvam Open Research Engine (PORE) Corpus.