SP 23.470

एवं संविधानकानुरूपाः सर्वत्र विप्रलम्भसम्भोगयोः प्रकारसंविधयो विधातव्याः। ते चैकशो विप्रलम्भानामेव चत्वारः। सम्भोगवर्गस्तु निर्विशेषेणानन्तरव्यपदेशं न लभते। द्वाभ्यां द्वाभ्यां दश। तत्र विप्रलम्भैः सानन्तरैश्चत्वारः प्रथमानुरागस्य। मानप्रवासकरुणैः मानस्य। प्रवासकरुणाभ्यां प्रवासस्य करुणेन सम्प्रयोगे षडिति त्रिभिस्त्रिभिः षोडश। तत्र सानन्तरद्विकानां चतुर्णामितर— विप्रलम्भैस्त्रिभिस्त्रिभिर्व्यस्तैर्योगे द्वादश। समस्तैस्तैरेव चत्वार इति चतुर्भिश्चतुर्भिरेकोनविंशतिः।