Canonical Ref: RV 6.52
Metrical Form: उपजातिः
Sanskrit (Devanāgarī)
नृपं तमावर्तमनोज्ञनाभिः सा व्यत्यगादन्यवधूर्भवित्री । महीधरं मार्गवशादुपेतं स्रोतोवहा सागरगामिनीव ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
नृपमिति॥ `स्यादावर्तोऽम्भसां भ्रमः` इत्यमरः (अ.को.1|10|6)। आवर्तमनोज्ञा नाभिर्यस्याः सा। इदं च नदीसाम्यार्थमुक्तम्। अन्यवधूरन्यपत्नी भवित्री भाविनी सा कुमारी महीधरं तं नृपम्। सागरगामिनी सागरं गन्त्री स्रोतोवहा नदीमार्गवशादुपेतं प्राप्तं महीधरं पर्वतमिव। व्यत्यगादतीत्य गता ॥
Canonical CTS URN Reference
Raghuvaṁśam, RV 6.52. Poorvam Open Research Engine (PORE) Corpus.