Canonical Ref: RV 13.65
Metrical Form: इन्द्रवज्रा
Sanskrit (Devanāgarī)
अद्धा श्रियं पालितसंगराव प्रत्यर्पयिष्यत्यनघां स साधुः । हत्वा निवृत्ताय मृधे खरादीन्संरक्षितां त्वामिव लक्ष्मणो मे ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
अद्धेति॥ किंच, साधुः सज्जनः स भरतः। `साधुर्वार्धुषिके चारौ सज्जने चापि वाच्यवत्`इति विशअवः। पालितसंगराय पालितपितृप्रतिज्ञाय मे मह्यम्। अनघामदोषां भोगाभावादनुच्छिष्टां किंतु संरक्षितां श्रियम्। मृधे युद्धे खरादीन्हत्वा निवृत्ताय मे लक्ष्मणः संरक्षितामनघां त्वामिव प्रत्यर्पयिष्यत्यद्धा सत्यम्। `सत्ये त्वद्धाञ्जसा द्वयम्` इत्यमरः ॥
Canonical CTS URN Reference
Raghuvaṁśam, RV 13.65. Poorvam Open Research Engine (PORE) Corpus.