Canonical Ref: RV 11.41
Metrical Form: रथोद्धता
Sanskrit (Devanāgarī)
प्रत्युवाच तमृषिर्निशम्यतां सारतोऽयमथवा गिरा कृतम् । चाप एव भवतो भविष्यति व्यक्तशक्तिरशनिर्गिराविव ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
प्रतीति॥ ऋषिस्तं प्रत्युवाच। किमिति? अयं रामः सारतो बलेन निशम्यतां श्रूयताम्। अथवा गिरा । सारवर्णनया कृतमलम्। गीर्न वक्तव्येत्यर्थः। `युगपर्याप्तयोः कृतम्` इत्यमरः (अ.को.3|3|84)। अव्ययं चैतत्। `कृतं निवारणनिषेधयोः` इति गणव्याख्याने। `गिरा`इति करणे तृतीया; निषेधक्रियां प्रति करणत्वात्। किंत्वशनिर्वज्रो गिराविव। चापे धनुष्येव भवतस्तव व्यक्तशक्तिर्दृष्टसारो भविष्यति ॥
Canonical CTS URN Reference
Raghuvaṁśam, RV 11.41. Poorvam Open Research Engine (PORE) Corpus.