Canonical Ref: RV 10.57
Metrical Form: अनुष्टुप्
Sanskrit (Devanāgarī)
सा हि प्रणयवत्यासीत्सपतन्योरुभयोरपि । भ्रमरी वारणस्येव मदनिस्यन्दरेखयोः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
सेति॥ सा सुमित्रा। उभयोरपि। समान एकः पतिर्ययोस्तयोः सपत्नयोः। `नित्यं सपत्न्यादिषु` (पा.4।1।35) इति ङीप्। नकारादेशश्च। भ्रमरी भृङ्गाङ्गना वारणस्य गजस्य मदनिस्यन्दरेखयोरिव गण्डद्वयगतयोरिति भावः। प्रणयवती प्रेमवत्यासीत्। `सपत्न्योः` इत्यत्र समासान्तर्गतस्य पत्युरुपमानं `वारणस्य` इति ॥
Canonical CTS URN Reference
Raghuvaṁśam, RV 10.57. Poorvam Open Research Engine (PORE) Corpus.