ISROIL STARTAP EKOTIZIMINI BOSHQARISH MEXANIZMLARINING TIZIMLI TAHLILI VA O‘ZBEKISTON STARTAP EKOTIZIMINI RIVOJLANTIRISH UCHUN AMALIY SABOQLAR, ANALYSIS OF MANAGEMENT MECHANISMS IN THE ISRAEL STARTAP ECOSYSTEM AND PRACTICAL LESSONS FOR THE DEVELOPMENT OF THE STARTAP ECOSYSTEM OF UZBEKISTAN, АНАЛИЗ МЕХАНИЗМОВ УПРАВЛЕНИЯ ИЗРАИЛЬСКОЙ СТАРТАП-ЭКОСИСТЕМОЙ И ПРАКТИЧЕСКИЕ УРОКИ ДЛЯ РАЗВИТИЯ СТАРТАП-ЭКОСИСТЕМЫ УЗБЕКИСТАНА

<jats:p>Ushbu maqolada Isroil davlatining startap ekotizimini boshqarish mexanizmlari kompleks va tizimli yondashuv asosida tahlil etilgan. Tadqiqot doirasida “Startaplar millati” sifatida e’tirof etilgan Isroilning startap ekotizimiga xos asosiy tarkibiy elementlar keng qamrovda o‘rganildi. Xususan, davlat tomonidan qo‘llab-quvvatlanadigan qo‘shma moliyalashtirish modeli (Yozma dasturi), harbiy-texnologik ta’lim tizimi (8200-razvedka bo‘linmasi), Triple Helix (davlat–universitet–biznes) hamkorlik modeli hamda innovatsion faoliyatning xalqaro bozorga yo‘naltirilganlik strategiyasi tahlil qilindi. Empirik ma’lumotlarga ko‘ra, 2024-yilda Isroil startaplariga jalb etilgan venchur kapital investitsiyalari hajmi 12 milliard AQSh dollarini tashkil etgan bo‘lib, jon boshiga hisoblaganda 1 580 AQSh dollariga teng keladi. Mazkur ko‘rsatkich global miqyosda eng yuqori darajalardan biri hisoblanadi. Aholisi 9,8 million kishini tashkil etuvchi kichik davlat sifatida Isroil global startap ekotizimlari reytingida 3-o‘rinni egallaydi (StartupBlink, 2026).</jats:p>