Abstract
<jats:p>Ushbu maqolada ingliz va o‘zbek badiiy nasrida epistolyar shakl - maktublarning g‘oyaviy-ijtimoiy shu bilan birgalikda estetik vazifalari qiyosiy tahlil qilinadi. Tadqiqot markazida maktublarning badiiy vosita sifatida qahramonning ichki dunyosi, ijtimoiy holati va dunyoqarashini ifodalashdagi o‘rni masalasi turadi. Ayniqsa, epistolyar matnda ayol ovozining namoyon bo‘lishi, ayolning shaxs sifatida ijtimoiy faolligi va intellektual salohiyatining badiiy ifodasi alohida e’tiborga olinadi. Maqolada ingliz va o‘zbek adabiyotidagi epistolyar nasrning tarixiy rivoji yoritilib, ular orqali ayol ongining shakllanishi, ayol shaxsining jamiyat va ilm-fandagi o‘rni bilan bog‘liq g‘oyalar ochib beriladi. Shuningdek, badiiy adabiyotda maktublarda ilgari surilgan ayol erkinligi, mustaqil fikrlash va ijtimoiy mas’uliyat g‘oyalari zamonaviy ilm-fanda faoliyat yuritayotgan olima ayollarning ijtimoiy-falsafiy pozitsiyasi bilan uyg‘unlikda talqin etiladi. Tadqiqot natijalari epistolyar nasrni ayol ilmiy tafakkurining badiiy ildizlarini anglashda muhim manba sifatida baholash imkonini beradi</jats:p>