Abstract
<jats:p>Maktabgacha yosh davri inson hayoti yo‘lidagi eng muhim bosqichlardan biridir. Bu bosqichda bolaning jismoniy, aqliy va ruhiy rivojlanishi uchun paydo bo‘ladigan imkoniyatlar va jarayonlar bir-biri bilan uzviy bog‘liq holda kechadi. Aynan shu paytda individual qobiliyatlar shakllana boshlaydi, atrof-muhit, oiladagi va jamoada bo‘ladigan ilk muloqotlarning ijobiy ta’siri natijasida dunyoqarash, xarakter va mustaqil fikrlash ko‘nikmalari rivojlanadi. Bu davrda bolalar ko‘proq o‘yin vositasida tashqi olamni o‘rganadilar, o‘zlari uchun yangi, ilgari noma’lum bo‘lgan narsalarni kashf qiladilar. O‘yin ularning tabiiy ehtiyoji bo‘lib, shu orqali hayotiy tajriba to‘pladilar, his-tuyg‘ularini boshqarishni, o‘zini va boshqalarni to‘g‘ri anglashni, atrofidagilar bilan muomala qilishni o‘rganadilar. Bolaning aqliy rivojlanishi, uni hayotga tayyorlash va jamiyatga to‘g‘ri moslashuvini ta’minlashda aynan o‘yin uzluksiz, tabiy va eng samarali vositadir.</jats:p>