ХОВД - УЛААН ХАРГАНА ХОТЫН ҮҮСЭЛ

<jats:p>Ховд хотын үүслийг судлаачид харилцан адилгүй тэмдэглэсээр иржээ. 1685 онд Зүүнгарын Галдан бошогт хаан Ховд голын хөвөөнд суурийг тавьснаар, 1718 онд Манжийн Энх-Амгалан хааны зарлигаар цэргийн хүнсний амуу тариалах суурин байгуулснаар, 1731 онд манжийн цэргийн бэхлэлт болсноор, 1762 онд Буянт голын хөвөөнд байгуулагдснаар тус тус авч үзжээ. Зарим эрдэмтэд Ховд аймгийн Эрдэнэбүрэн сумын нутагт буй “Улаан харгана” хэмээх хотын туурийг Галдангийн тарианы суурин, орд өргөөний төв байсан гэжээ. Бид уг туурийг Найралт төвийн 9 (1731) онд Хязгаарыг ариутгагч их жанжин Фурданы байгуулсан Ховд хотын хуучин туурь хэмээх саналыг дэвшүүлж байна.</jats:p>