Abstract
<jats:p>Бул изилдөө жогорку окуу жайларда ички илимий гранттарды башкаруунун жана автоматташтырылган электрондук иш кагазын жүгүртүүнүн интеграцияланган маалыматтык системасын иштеп чыгууга багытталган. Теманын актуалдуулугу илимий долбоорлорду каржылоо процессинде маалыматтын фрагментацияланышы, кагаз документ жүгүртүү жана башкаруу чечимдеринин жетишсиз ачык-айкындуулугу менен шартталат. Изилдөөнүн максаты - гранттык конкурстарды уюштуруу, арыздарды кабыл алуу, 3 этаптагы баалоодон өткөрүү, маалыматтарды ачык-айкын чыгаруу жана отчеттуулукту көзөмөлдөө процесстерин автоматташтырган бирдиктүү санариптик платформанын моделин негиздөө. Изилдөөдө системалык талдоо, UML-моделдөө, бизнес-процесстерди реинжиниринг кылуу жана маалыматтык системаларды долбоорлоо ыкмалары колдонулду. Натыйжада ролдорго негизделген жеткиликтүүлүк механизми жана электрондук иш кагазын жүгүртүү функциялары бар веб-система сунушталды. Жыйынтыкта иштелип чыккан модель илимий ишмердүүлүктү башкаруунун натыйжалуулугун жогорулатарын жана ресурстарды рационалдуу пайдаланууга шарт түзөрү аныкталды.</jats:p>