Deprecated: Function curl_close() is deprecated since 8.5, as it has no effect since PHP 8.0 in /home/u483256323/domains/poorvam.com/public_html/subdomains/pore/includes/api.php on line 184
Abstract
<jats:p>Мақсад — ўт пуфаги девори ультратовуш (УТ) қатламлилигининг гистологик асосларини аниқлаш ва турли нозологик ҳолатларда қатламлилик бузилишининг диагностик аҳамиятини баҳолаш. Материал ва усуллар. Проспектив кўндаланг-кесим тадқиқотга 170 нафар шахс киритилди: 40 нафар соғлом ихтиёрий ва холецистэктомия ўтказилган 130 нафар бемор (сурункали холецистит — 52, ўткир холецистит — 46, аденомиоматоз — 18, ўт пуфаги раки — 14). Барча ҳолатларда операциягача юқори частотали (7,5–12 МГц) чизиқли датчик билан УТ ўтказилиб, олиб ташланган препаратлар гистологик текширилди. Натижалар. Ўзгармаган деворда УТ уч қаватли тузилиш сифатида акс этди: ички гиперэхоген чизиқ (шиллиқ парда–ўт чегараси ва ламина проприя), ўрта гипоэхоген қават (мушак қавати) ва ташқи гиперэхоген чизиқ (субсероз ҳамда сероз парда). Девор ўртача қалинлиги нормада 1,8 ± 0,4 мм, сурункали холециститда 3,6 ± 0,8 мм, ўткир холециститда 5,9 ± 1,7 мм, аденомиоматозда 6,4 ± 1,9 мм ва ракда 9,7 ± 3,1 мм ни ташкил этди (p < 0,001). Қатламлиликнинг тўлиқ йўқолиши гангреноз холецистит (85,7%) ва рак (92,9%) учун хос бўлиб, унинг сақланиши эса яллиғланиш табиатли қалинлашувни кўрсатди. Хулоса. УТ-қатламлилик ўт пуфаги деворининг гистологик архитектоникасини бевосита акс эттирувчи мезон ҳисобланади; уни баҳолаш девор қалинлашувининг сабабини аниқлашда девор қалинлигини ўлчашдан кўра ахборотлироқдир.</jats:p>