ЎТКИР ХОЛЕЦИСТИТДА УЛЬТРАТОВУШ СЕМИОТИКАСИНИНГ ДЕВОР ЯЛЛИҒЛАНИШИ МОРФОЛОГИК БОСҚИЧЛАРИ БИЛАН КОРРЕЛЯЦИЯСИ

<jats:p>Мақсад — ўткир  холециститнинг  ультратовуш  (УТ)  белгиларини  яллиғланишнинг морфологик босқичлари билан таққослаш ва деструктив шаклларни операциягача аниқлаш имконини берувчи мезонларни асослаш. Материал ва усуллар. Гистологик тасдиқланган ўткир холецистит  билан  46  нафар  бемор  (катарал  — 23,  флегмоноз  — 16,  гангреноз  — 7) ретроспектив-проспектив  таҳлил  қилинди.  Барча  беморларда  операциягача  24  соат  ичида конвекс ва юқори частотали чизиқли датчиклар билан УТ, шунингдек ранг ва энергетик Doppler текшируви  бажарилди. Ташхис  Токио  қўлланмаси  (TG18)  мезонлари  асосида  қўйилди. Натижалар. Девор ўртача қалинлиги катарал шаклда 4,1 ± 0,9 мм, флегмоноз шаклда 6,8 ± 1,4 мм ва гангреноз шаклда 8,2 ± 2,1 мм ни ташкил этди (p &lt; 0,001). «Йўл-йўл» (striated) девор флегмоноз  шаклда 68,8%,  қатламлиликнинг тўлиқ  йўқолиши  эса  гангреноз  шаклда  85,7% ҳолатда қайд этилди. Интралюминал мембраналар ва девор Doppler сигналининг йўқолиши гангреноз шаклнинг энг ўзига хос белгилари бўлди (ўзига хослиги мос равишда 100,0% ва 95,7%). Тўрт мезондан иборат комплекс УТ-балл деструктив шаклларни аниқлашда АУК = 0,93 кўрсаткичига эришди, бу девор қалинлигининг ёлғиз кўрсаткичидан (АУК = 0,81) ишончли даражада  юқори  (p  =  0,004).  Хулоса.  Ўткир  холецистит  УТ-семиотикаси  девор яллиғланишининг  морфологик  босқичини  изчил  акс  эттиради;  комплекс  балли  баҳолаш деструктив шаклларни операциягача аниқлаш аниқлигини сезиларли оширади.</jats:p>