Abstract
<jats:p>Հոդվածում վերլուծվել է տեխնոլոգիաների և թվային գործիքների դերը Հայաստանի Հանրապետությունում հանրային վերահսկողության և կոռուպցիայի կանխարգելման գործընթացում։ Մասնավորապես դիտարկվել են պետական կառավարման թվայնացման արդի միտումները, առկա օրենսդրական, տեխնիկական և ֆինանսական սահմանափակումները, ինչպես նաև հանրային իրազեկվածության պակասը։ Ընդգծվել է, որ թվային գործիքների կիրառումն ունի բավարար ներուժ՝ թափանցիկություն և հանրային մասնակցության ընդլայնում ապահովելու համար։ Թվային գործիքների դերի և օգտագործման վերաբերյալ առավել հստակ պատկերացում կազմելու նպատակով անդրադարձ է կատարվել միջազգային փորձին՝ ներկայացնելով Էստոնիայի, Հարավային Կորեայի և Բրազիլիայի հաջողված օրինակները, որոնք առանձնանում են հանրային վերահսկողության և կոռուպցիայի կանխարգելման ոլորտում կիրառվող տեխնոլոգիական լուծումների արդյունավետությամբ և կիրառելիության տարբեր մոդելներով։ Աշխատանքում նշվել է, որ, չնայած իրականացված բարեփոխումներին, տեխնոլոգիաների և թվային գործիքների դերի արդյունավետությունը սահմանափակ է, ինչը պայմանավորված է իրավական բացերով, փոխգործելիության պակասով և ֆինանսական դժվարություններով։ Թվային գործիքների առավել արդյունավետ կիրառումն ապահովելու նպատակով առաջարկվել է համալիր մոտեցում՝ ներառյալ օրենսդրական բարեփոխումները, տեխնիկական հզորացումները, ինչպես նաև հանրային իրազեկման մակարդակի բարձրացումը՝ քաղաքացիների մասնակցությունն ապահովելու և վերահսկողության մեխանիզմները բավարար չափով կատարելագործելու համար։</jats:p>