Abstract
<jats:p>Mazkur maqolada shuvoq turkumiga mansub Oddiy shuvoq (Artemisia) o‘simligining kimyoviy tarkibi, ozuqaviy qiymati hamda chorvachilikda yem qo‘shimchasi sifatida foydalanish istiqbollari o‘rganildi. Tadqiqot jarayonida o‘simlik tarkibidagi oqsil, tolalar, mineral moddalar, uglevodlar va vitaminlar miqdori zamonaviy laboratoriya usullari asosida aniqlandi. Uglevod tarkibi Agilent 1100 HPLC System suyuq xromatografiya usulida, vitaminlar esa yuqori samarali suyuq xromatografiya va spektrofotometrik usullar yordamida tahlil qilindi. Natijalarga ko‘ra, oddiy shuvoq tarkibida biologik faol moddalar, ayniqsa glyukoza, fruktoza, askorbin kislota, β-karotin va tokoferollar mavjudligi aniqlandi. Olingan ma’lumotlar oddiy shuvoqni hayvon emlari tarkibiga kiritish orqali mahsuldorlikni oshirish, immunitetni mustahkamlash va yemning biologik qiymatini yaxshilash mumkinligini ko‘rsatdi.</jats:p>