Deprecated: Function curl_close() is deprecated since 8.5, as it has no effect since PHP 8.0 in /home/u483256323/domains/poorvam.com/public_html/subdomains/pore/includes/api.php on line 184
Abstract
<jats:p>Ներկայացված են անօդաչու թռչող սարքով նկարահանված բարձր լուծաչափի աերոնկարների և լազերային սկանավորման տվյալներով «Ագարակ» պատմամշակութային արգելոցի եռաչափ մոդելի ստեղծման աշխատանքները: Աերոնկարահանման աշխատանքներն իրականացվել են DJI Mavic 3 Enterprise (Mavic 3E) պրոֆեսիոնալ անօդաչու թռչող սարքով: Աերոնկարահանման և լազերային սկանավորման աշխատանքների իրականացման համար մշակվել են տարածքի նկարահանման երթուղիները: Լազերային սկանավորման աշխատանքներն իրականացվել են Leica MS60 R2000, CHCNAV RS10 և CHCNAV AlphaUni 20 սարքերով, որոնք ապահովել են 5 մմ ներամպային և 2…5 սմ գլոբալ դիրքորոշման ճշտություն: Լազերային սկանավորման տվյալների մշակման համար օգտագործվել են հետևյալ ծրագրային ապահովումները՝ CHCNAV CoPre, CHCNAV CoProcess: Ֆոտոգրամետրիական մշակման աշխատանքներն իրականացվել են Agisoft Metashape Professional ծրագրային ապահովման միջավայրում, որի արդյունքում ստեղծվել է 5 սմ լուծաչափով օրթոֆոտոհատակագիծ։ Լազերային սկանավորման և աերոնկարահանման տվյալների ինտեգրման միջոցով Agisoft Metashape ծրագրային ապահովման միջավայրում ստեղծվել է տեղանքի եռաչափ մոդելը: AutoCAD և Civil 3D ծրագրային միջավայրում, լազերային սկանավորման և աերոնկարահանման տվյալների հիման վրա ստեղծվել է 1:1000 մասշտաբով տեղագրական և կադաստրային հատակագծեր: Մշակված համալիր մեթոդով հնարավորություն է ստեղծվել բարձր ճշտության գործիք-սարքավորումներով դիտարկված տվյալներով (աերոնկարահանման, լազերային սկանավորման, ֆոտոեռանկյունավորման, ռելիեֆի մշակման և դրանց ինտեգրման եղանակներով) և ժամանակակից ծրագրային ապահովմամբ այդ տվյալների մշակման միջոցով ստանալ «Ագարակ» պատմամշակութային արգելոցի տարածքի եռաչափ մոդելը՝ 1:1000 մասշտաբով տեղագրական և կադաստրային հատակագծեր, որոնք իրենց ճշտությամբ գտնվում են 95 % վստահության միջակայքում:</jats:p>