Abstract
<jats:p>Маанилүүлүк. Бул макалада Ош мамлекеттик университетинин Билим берүү сапаты жана методикалык камсыздоо бөлүмүнүн ишмердүүлүгү илимий жактан талдалып, билим берүү процессинин сапатын системалуу жогорулатуу механизмдери изилденет. Изилдөөдө семинарлар, тренингдер, мастер-класстар, сабактарды баалоо, видеокөзөмөл, окуу-усулдук материалдарды редакциялык коллегиялык баалоо, студенттик олимпиадалар жана эл аралык тажрыйба алмашуу иш-чаралары сыяктуу комплекстүү инструменттердин таасири каралат. Натыйжалар көрсөткөндөй, бул чаралар окутуучулардын методикалык компетенциясын жогорулатууга, инновациялык жана интерактивдүү ыкмаларды киргизүүгө, ошондой эле студенттердин окууга активдүү катышуусун камсыз кылууга өбөлгө түзөт. Ошондой эле окуу-усулдук кеңештин координациясы жана системалуу мониторингдин ролу, билим берүүнүн сапатын стандартташтыруу жана окуу процессин оптималдаштыруу боюнча натыйжалар талданат. Автор системалуу жана интеграцияланган методикалык ишмердүүлүк окутуунун сапатын жогорулатууда, окутуучулардын кесиптик потенциалын өнүктүрүүдө жана студенттерди заманбап билим берүү талаптарына ылайык адистештирүүдө маанилүү экенин белгилейт.</jats:p>