Deprecated: Function curl_close() is deprecated since 8.5, as it has no effect since PHP 8.0 in /home/u483256323/domains/poorvam.com/public_html/subdomains/pore/includes/api.php on line 184
Abstract
<jats:p>Мақалада педагогика ғылымының қазіргі кезеңдегі негізгі бағыттары, қоғам мен білім беру жүйесінің өзгеруіне, жаңа білім беру философиясына байланысты негізгі қағидаттары мен тәсілдері талданады. Сонымен қатар педагогика ғылымының оқу мен тәрбие практикасынан артта қалуының негізгі себептері қарастырылады. Педагогика ғылымы соңғы жылдары қоғам мен экономикадағы өзгерістерге, сондай-ақ әлемдік білім беру процестеріне жауап ретінде жаңа бағыттар мен тәсілдерге көшу үстінде. Бұл өзгерістер педагогикаға жаңа көзқарасты қалыптастыруды талап етеді. Педагогика ғылымы саласының өркендеуі мен тәрбие-оқу үдерісіндегі жаңа айқын талаптар арасында алшақтық соңғы жылдары көп байқалуда. Осы алшақтық себептерінің негізіне оқыту үдерісі әдістемелерінің өте баяу жаңаруы, педагогикалық практика мен теорияның арасындағы байланыстың төмендеуі, оқу мен тәрбие жүйесіндегі инновациялық технологияларды енгізу деңгейінің төмендігі дәлел болып отыр. Мақалада педагогика ғылымының бұл қиындықтарын шешу үшін ғылыми зерттеулер мен педагогикалық тәжірибелердің бір-бірімен тығыз байланысты болуы керектігі айтылған. Білім беру жүйесінің тиімділігін арттыру үшін педагогикалық қағидаттар мен әдіс-тәсілдерді жаңарту, олардың жаңа заман талабына сай өзгеруі маңызды. Заманауи тұрғыдан алғанда педагогикадағы жаңа бағыттар мен тәсілдер ғылым мен практиканың өзара үйлесімділігіне негізделуі тиіс. Қазіргі заманда педагогика ғылымы оқу мен тәрбие жүйесінде жаңа технологиялар мен әдіс-тәсілдерді тиімді қолдану үшін тиісті ғылыми зерттеулер жүргізуді қажет етеді. Мұндай зерттеулердің нәтижесінде педагогикалық теорияның практикаға негізделген жаңа үлгілері пайда болады, бұл оқу мен тәрбие процесін жақсартуға мүмкіндік береді.</jats:p>