Abstract
<jats:p>Ushbu ilmiy maqolada Oʻzbekiston Respublikasi jinoyat-protsessual qonunchiligi va huquqni muhofaza qiluvchi organlar amaliyotida masofaviy, xususan, videokonferensaloqa (VKA) rejimida tergov harakatlarini oʻtkazishning bugungi holati chuqur tahlil qilingan. Shu bilan birga, “Elektron jinoyat ishi” tizimi doirasida axborot xavfsizligini taʼminlashning dolzarb muammolari, kiberxavfsizlik tahdidlari va protsessual maʼlumotlarning maxfiyligini saqlash masalalari tadqiq etilgan. Maqola davomida videokonferensaloqa rejimida tergov oʻtkazishning texnik va yuridik talablari, xorijiy va mahalliy olimlarning qarashlari, shuningdek, bugungi kundagi kiberhujumlarga oid haqqoniy statistik maʼlumotlar keltirilgan. Tadqiqot natijasida jinoyat-protsessual qonunchiligini takomillashtirish va tergov amaliyotida raqamli texnologiyalardan xavfsiz foydalanish boʻyicha ilmiy asoslangan taklif va tavsiyalar ishlab chiqilgan.</jats:p>